صبا مبارك “تريند مصر”: لا أرتبط بمن أقل منى نجاحا”

تصدرت الفنانة صبا مبارك، بين الأعلى في مؤشرات تريند محرك البحث “جوجل” بعدما حلت ضيفة مع الاعلامى عمرو أديب ببرنامج “الحكاية” المذاع على قناة MBC مصر، ونبرز في السطور التالية أبرز تصريحاتها.

كشفت الفنانة صبا مبارك أنها لا تتحمل التنمر على أي شخص سواء كان مواطنا عاديا أو شخصية عامة.

وأضافت في لقاءها مع الإعلامي عمرو أديب في برنامج الحكاية على قناة mbc مصر: «أنا مبستحملش التنمر عامة، وشخص مش عاجبك شكله متبصش عليه، وسيبه الناس في حالها، وفي كلام ممكن يجرح، الشخصية العامة بني آدمين وصعب نجرحهم طول الوقت وكمان مينفعش نكلم بجهل، فهيفاء وهبي بعد دقايق من الصورة كانت نجمة على المسرح، وعمومًا أنا مبحبش التنمر على الفنانات”.

واستطردت: “مش شرط الممثلة تبقى حلوة، المهم يبقى عندها كاريزما وجاذبية، فسعاد حسني قمر لكن قمر بإيه؟ مش بجمالها لكن بجاذبيتها، لأن عندها حرارة اللي عند المصريين وعندها خفة ولذاذة، في حاجة عندها حلوة قريبة من القلب”.

وأردفت: “الممثلة مش مطلوب أنها تكون ملكة الجمال لكن تكون مقبولة الملامح، وفي ممثلات زي القمر مثل ياسمين صبري، درة، ودينا الشربيني قمر وبحب سمارها وخفة دمها ولذاذتها وموهبتها”.

وعن التعامل مع سن المرأة، أكدت الفنانة صبا مبارك أن هناك قسوة في المجتمع في التعامل مع سن المرأة.

صبا مبارك

وأضافت: “في قسوة في تعامل المجتمع مع سن المرأة، فجأة يقولك دي تخنت، كبرت، تجاعيدها ظهرت والدليل اللي حصل مع هيفاء وهبي من يومين”.

وأردفت: “هيفاء وهبي زي القمر وحلوة جدًا وواضح أنها واقفة في مكان إضاءته وحشة، ودي حاجات الناس مبتستوعبهاش أوي، وأنا مبستحملش التنمر عامة”.

واستطردت: “لو شخص مش عاجبك شكله متبصش عليه، وسيبوا الناس في حالها، وفي كلام ممكن يجرح، الشخصية العامة بني آدمين وصعب نجرحهم طول الوقت وكمان مينفعش نكلم بجهل، فهيفاء وهبي بعد دقايق من الصورة كانت نجمة على المسرح، وعمومًا أنا مبحبش التنمر على الفنانات”.

وبشأن الحديث عن أول أعمال أنتجتها وهو فيلم “بنات عبدالرحمن”، كشفت الفنانة صبا مبارك عن سعادتها الشديدة بالمشاركة في فيلم بنات عبدالرحمن، مؤكدة أنه أول فيلم انتجه كما أنه مجازفة ولست ندمانة عليها.

أضافت في لقاءها مع الإعلامي عمرو أديب في برنامج الحكاية على قناة mbc مصر:«الفيلم خد وقت كبير في تطويره، فالسيناريو قعد سنين عشان يخرج بصورته النهائية».

وتابعت: «عرض عليا الفيلم من أربع سنين، من اللحظة اللي قريت فيها السكريبت للمرة الأولى اتجننت وقولت لازم أعمله، والمجازفة اللي عملتها أني أنتجه وأحط فلوسي فيها».

وأردفت: «البعض قال أن فيلم مستقل من الاردن ممكن ميجبش فلوس وممكن ميكسبش، وقالوا كمان أفلام المهرجانات لها برستيج لكن في النهاية مبتجبش فلوس، فكنا بنحاول نعمل معادلة ونجمع ما بين فيلم فني وتجاري في نفس الوقت وأي بلد عرض فيها الفيلم كان رد الفعل غير نسوي وغير عادي».

وعن الصفة التي يجب أن تتواجد في شريك حياتها، قالت صبا مبارك: مش عايزة أرتبط بحد أقل مني نجاحًا في مجاله أيا كان، والموضوع مش قصة ماديات، لكن النجاح والتحقق والإنجاز بينعكس في حاجات معينة.

صور صبا مبارك

وردا على سؤال ما رأيك في الزواج بين الممثلين؟ قالت: “مجربتش، لكن إحنا شغلنا صعب جدًا حد يتحمله، ولازم يكون قوي وواثق من نفسه جدا.

كما تحدثت صبا مبارك خلال اللقاء عن تجربتها في العمل داخل الوسط الفني المصري قائلة: الوسط الفني المصري من أنظف الأوساط الفنية اللي شفتها، الناس طيبة ومحتضنة ولطيفة، وفي قدر من الاحترام حتى لو الشخص مش بيحبك.