رقص طالبة بعد امتحانات الثانوية يتسبب لها في «كارثة».. لن تصدق ما فعله خطيبها

رقص طالبة بعد الامتحانات تسببت فرحة طالبة ثانوية عامة بانتهاء الامتحانات إلى فسخ خطبتها.

فوجئ خطيبها بمقطع فيديو على مواقع التواصل الاجتماعي وهي منهمكة في الرقص.

رقص طالبة بعد امتحانات الثانوية

القصة التي وقعت في محافظة القاهرة أثارت جدلا واسعا على مواقع التواصل الاجتماعي، وعلقت ندى محمد طالبة: “لو كانت بترقص عادي فمش من حقه إنه يفسخ الخطوبة”.

تابعت “كان ممكن يتكلم معاها ويفهمها..لكن هي مبسوطة وفرحانة هي وصحابها وكانوا بيعبروا عن فرحتهم”.

قالت: “أكيد هي متعرفش إن الفيديو هينزل والكل هيشوفه، وتمام هو من حقه يزعل ويضايق بس مش لدرجه فسخ الخطوبه دا أكيد بيتلكك”.

سارة سامي قالت: “الامتحانات كلها بنات بس وكله كان مبسوط وهي مش ليها ذنب أصلها مش هي اللي منزله الفيديو وبعدين كان ممكن يتفاهم معاها وخلاص”.

تابعت: “ساعتها يبقي هو قابل على نفسه كده ويبقى موافق ممكن ميخليهاش ترقص أو يعمله في جامع لكن هو حقه ميقبلش باللي حصل”.

وقالت روفيدة هاني: “عنده حق طبعا، أنا بعد اللجنة لما لقيت زمايلي بيعملوا الحركات دي سبتهم ومشيت لإن ده أسلوب سوقي أوي يعني”.

محمد صالح رأى أن الواقعة غيرمنطقية يقول: “الموقف دا بيفكرني بـ الدعوة بتاعهة الفرح.. نتشرف لدعوتكم على فرح الأستاذ فلان على الآنسة M وطبعا مينفعش نكتب اسمها بس هتقوم ترقص قدامكوا دلوقتي”.

نادي صالح أضاف: “إزاي يعني الكلام دا.. براحتها ترقص وتفرح وكمان على مواقع تانية قايل باباها مشير الفيديو إنت إي العقد دي يأخي متسيها تعبر عن فرحتها إنت من القرن الكام يبني؟”.

صالح الإبياري قال: “راجل من ضهر راجل وده ذنبه إنه بيغير عليها وكان خاطب واحدة معندهاش حياء”.

تابع “تخيل دي كانت هتكون أم إزاي في يوم من الأيام وهتربي أجيال ربنا يكرمه بالإحسن منها”.

محمد أحمد قال: “حقه جدا والتصرف عظيم يعنى مفيش غير الرقص فى الشارع للتعبير عن الفرحة”.

تابع: “أكيد لا يعنى فى بيتهم وفى صحابها يتجمعو فى بيتهم فى حاحات كتير اوى تحصل غير الرقص فى الشارع”.